لفت نظر

أول لفت نظر في تاريخي المهني :) , هو صحيح كان شفوي وشبه ودي , بس الفكره نفسها مثيره أنا اتعمل لي لفت نظر :)

المفروض ان احنا في شركه خاصه , يعني لا المكان ولا طبيعة شغلنا تحتمل كل هذه البيروقراطيه اللعينه
السلبيات الاخري يمكنني احتمالها , لكن النوع ده من التحكمات لأ
أنا لم أخلق لكل هذه القيود

وبما أني مقتنعه ان أي مكان تاني مش هايبقي احسن حالا , بالنسبه للنقطه دي بالذات( اعتقد انها مرض مزمن في شعوبنا , الرغبه في خنق البشر دي حساسيه بتيجي لأي حد يتقلد منصب أو يبقي في ايده سلطه , ده غير الغباء المفعم بالجهل واللي بيسموه لوائح )
يبقي أنا مش قدامي غير حل من تلاته
الاقي فرصة اني اشتغل من البيت
أو اشتغل لحسابي ( نفسي أوي أعملها )
أو بقي الحل الاسهل , اقعد في بيتنا اعمل محشي ( مع اني لا بحبه ولا باعرف اعمله )

الله المستعان بقي